معدش باقيلي غير عكازى

رم

1. 
   

   صباحكـــــــم ضحكــــــــــــــة جميلة زى قلوبكم
   صباحكــــــــــــم نـــــــور وهدي ... ورضــــــــــــا
   صباحكــــــــــم خير إن شاء الله تشوفوا عيونكم

   

   

2. رمضان شحاته

   
   

   أكتر من ستين سنة .. عمرى
   وكانت دى اول مرة ..
   أشتهي قبري
   لما لقيت واحد حط ف ايدي ...
   حتة بخمسة ..
   وأنا قادر لسه ...
   أشيل علي ضهرى

   
3. 

    ‏‏رمضان شحاته‏‏.

   
   معدش باقيلي غير عكازى

    وشوال فيه هدمتي ....
   لما يكون حصي الأرض سريري ..
   بيكون مخدتي
   آهي دنيا .. فياَّ بترازى
   مش مكفيها وحدتي

   آديني صابر ..
   ع اللى مايعرفوا غير ربنا ..
   وعلي شدِّتي
   وصابر علي غربتي
   و زى ماتنتهي دنيا الخلق
   هاتنتهي .. دنيتي

   

منتظرها من بدرِى .

‏رمضان شحاته‏

                                                    2012

منتظرها من بدرِى ..

وكان ميعادنا الساعة واحدة 

بس للأسف ...

جيتني متأخرة تجرى ...

قالتلي سامحني .. 

سكتنا مش واحدة 

وراحت ركبت قطر .. غير قطرِى

ورغم إن الناس كلها واقفة ... وشاهده

لكن سابتني .... 

مع انى مستنيها من بدرى

حتي الأجنـَّــــــــــــــــــــة

رمضان شحاته

2013

حبيبتي ...

جنة العُرب ...

لا ...

يامن كنت للعُرب جنَّــــــــة..

إلى متي كل شيئ فيكِ يموت ...

الآباء .. والأمهات ...

حتي الأجنـَّــــــــــــــــــــة

أعجبني · · الترويج · المشاركة

لاتتعجبين

لاتتعجبين 

إذ ترين .. أنِّي 

لم أكتب عن غدرك 

عن كذبك

عن رأيي في قلبك 

عن يقينٍ بدأ بـ شكْ

فالأمر حقاً .. حقاً .. لايستحقْ

رمضان شحاته

30/4/2013

إغتيال

  رمضان شحاته

30/4/2013

بالعافية ماسك الفُرشه ..
بإيده الصغيَّره
ومش هقول زي اللى غَشُّه
دي رجولة مبكرَّه
ف الحقيقة
دا إغتيال

لطفولة بريئة

مِن قلوب قاسية

غبية وقميئة

وباردة زى التلجْ

بتنزع البسمة من شفايفُه

باسلوب فظ وفَجْ

والمسكين

عارف اللى اغتاله وشايفُه

ومش بعيد

كل مِسا يحط ف ايديه ..

اللى كسبه بتعبه الشديد

ويقول له .. إتفضل ياعم الحجْ

كالأطفال همست

رمضان شحاته

11/2012

كالأطفال همست ..

قلتُ لهم .. من اليوم .. 

إسمي أميرة ..

وصارت أمي تنادينني أميرة ..

وكذلك إخوتي ..

سألني أبي ..

وكل صديقاتي ..

من أسماكِ علي الكِــبَر أميرة ؟ 

تمنيتُ لو قلتُ لهم .. أنت

..

يبقَى الحلم

ورغم إستحالة اللقاء .....
               يبقَى الحلم قائما

رمضان شحاته

4/2031

وإن .........

وإن فقدت الأمل فيك
لما تغيب عن عنيّا
ربنا يخلليك ..
ماتفقد انت الأمل فيّا

رمضان شحاته

4/2031

قومي كمِّلي نومك

لو لكِ مكان تنامي فيه
قومي كمِّلي نومك
ولّا هتقَضِّي كده بقية يومك ؟!
وماتنسيش تدعي عليه
اللى سرق مِن سماكي قمرك ونجومِك

 

رمضان شحاته

4/2031 

2

بصمجي حُب

بصمجي حُب
محتاج علام
لكن ليّا قلب
من سُكات بيحب ...
ومن غير كلام

رمضان شحاته

4/2031

سامحني .. بلاش تغضب

سامحني .. بلاش تغضب
قلبي لابيعرف يقرا
ولايكتب
وبسيط جدا زيي
ف العشق جاهل واُمي
وف منتهي السذاجة
يبان فاهم
وهو مش فاهم ولاحاجة
وبلاش كل اما تشوفني
تقوللي
ان قلبي ف بعادك سعيد
انا اللى عنيد
المسألة واضحة ومش محتاجة
اني اقوللك
قلبي حزين .. آخر تلاتين حاجة

رمضان شحاته

3/2031

وحالف لآشتريكي ..

وحالف لآشتريكي ...
ولو كان التمن دمي
حتي لو إتهيألي ف يوم ..
إنك ... لاهمك .. دمي ... ولاحاملة همي

 

رمضان شحاته

4/2031

ولو تغيبي ..

أوعدك وأحلفلِك بديني
إني أحافظ عليكي
ولايوم أغدر بيكي
أوعدك .. معملش عقلي بعقلك
وأتحمللك .. مهما تضايقيني
ولو تتكلمي أسمعلك
ولو تغيبي ..
أحفظ عهدك ..
وأفتكرك حتي لو نسيتيني
اوعدك

 

رمضان شحاته

4/2031

2

شايف إيه ؟

<br>

19/4/2031

  

وكل ما تشوفتي ..
تديني كفِّها ... وتسألني ...
شايف إيه ؟
تجيني ربكة
وأكتفي بضحكة ...
وأفضل أدُور وألِف
أقول لها
لابعرف أقرا الكف ..
ولاأفهم فيه
وكإن خاب أملها فيّا
تسحب كفها من إيديَّا
ونرجع مرّة تانية ..
وكأنها بتترجاني
تسألني من تاني ..
يعني مش شايف ولا حاجة ؟
أرد بمنتهي السذاجة
أبداً
طب قوليلي بس أشوف ايه ؟
تقوللي وهيَّ حزينة جداً
طيب ليه ولامرة أشوف كفِّي ...
إلّا وشوفت صورتك فيه ؟!!!

 

 رمضان شحاته

19/4/2031