قاللي
مرة وانا صغيّر ..
شوفت واحد بيبيع جزمته ..
مكنش باين من هيئته ..
انه فقير ..
لكن كان كسير ..
سألوه الناس ..
ليه تعمل كده ؟
جاوب بعيون قرّبت تبكي ..
لكن مترددة
لازم آكل .. ومش مهم امشي حافي
اكيد واضح وموش خافي
ان الشبع .. أهم م المداس
ساعتها ..
مقوللكش ع الاحساس
اللي انتابني
ولو عشت ميت سنه ..
مش هيفارقني ..
..
تصدق .. وانا صغيّر
أشوف واحد بيبيع جزمته ..
ياريتني أكبر بقا وأنسى ..
شكله كان ايه ..
وإيه كانت هيئته ..
أعجبني · · إيقاف الإشعارات · الترويج · مشاركة
ليست هناك تعليقات:
إرسال تعليق