- عيشة بسيطة وهنيّة ...
لافيها أسي .. ولاأسيّة
ناس حافية
و راضية ..ومرضيّة
طب شوف شكل الميّة ..
لكن بيشربوا ..
وصحتهم حلوة .. وعفيّة ..
..
الجرة علي راسها ومليانة ..
ولاتتعب .. ولا تنهج ..
ولاتقول آه يانا ..
ست صلبة طولها وقوية ..
ودا سقَّا ..
راجل طيب ومسالم ..
راح يودي ميّة .. للهانم ..
اللى البحيرة دى متعرفهاش ..
وحتي الشمس ماتشوفهاش ..
دنيا طبقات .. وسلالم ..
كانوا ناس حلوين
وكانوا عايشين ..
ببساطة ..
وراضيين ..
لايعرفوا يسقط حكم العسكر ..
ولا كان عندهم حرامية ..
ولاشيخ منصر ..
ولاوجعوا دماغهم بقضية ...
ولايهمهم ولايعرفوا ولاكان عندهم
مين ليبرالي .. مين علماني
ومين إخوان ..
ناس طيبة ...
كانوا عايشين ف مصر زمان
عيشة بسيطة وهنية ...ولاشيخ منصر ..
ولاوجعوا دماغهم بقضية ...
ولايهمهم ولايعرفوا ولاكان عندهم
مين ليبرالي .. مين علماني
ومين إخوان ..
ناس طيبة ...
كانوا عايشين ف مصر زمان
عيشة بسيطة وهنية ...
الاثنين، 3 مارس 2014
عيشة بسيطة وهنيّة ...
الاشتراك في:
تعليقات الرسالة (Atom)
ليست هناك تعليقات:
إرسال تعليق