الثلاثاء، 28 أكتوبر 2014

محدش عنده كلمة أمل


  • رمضان شحاته
رمضان شحاته‏

محدش عنده كلمة أمل .. 
ولو بالكذب ؟
محدش شايف البحر المالح
النيل العذب ؟
وهنصدقه من غير شد ولاجذب


محدش يعني عايز يكذب 
ولا عنده كلمة أمل تجذب ؟
يعني ولا واحد شايف ارض خضرة 
كلها ارض ضاربها الجدب ؟
يعني صَحَرا


يعني فجأة كلكم بقيتوا أوليا
كلبشتوا أوي ف الصدق
وسيتوا الكذب ليّا
يعني هكذب لوحدي
أنا دوناً عن الكل
طيب الحال عال العال
والدنيا زي الفل
يعني لا دم حرام بيتسال
ولاغباوة ولا غل
ولا في ناس غاوية تكرهّك ف البلد والحال
ولا هيّ بتغوي ولا بتضل
ولا ف ناس معهاش كسوة العيال
ولا مرسوم ف عنيها الذل
..
سامحني يارب

ليست هناك تعليقات:

إرسال تعليق