طب عارفه لمّا يكون الحزن وطن
لما يبقى طعم الحلق شجن
لما يبقى كل الاحساس ألم
طب عارفه العدَم ؟
السكوت اللى شبَه الموت
عارفة الضحكة لمّا تدّارَى ف البيوت ؟
عارفه الشعور لما تتأخرى لحظة
وف اللحظة دي القطر يفوت ؟
عارفة الحرافيش
اللي عايشين ميتين
المقهورين .. عشان مفيش
اللى سماهم دايما مليانه غيوم
عارفاهم
اللي بيكملوا عشاهم .. نوم ؟
اللى وشوشهم م القهر متنكدّه
أهو ساعات بتكوني كل كده
ليست هناك تعليقات:
إرسال تعليق