عارفة وجع القلب
وكسرة النفس العزيزة
عارفه أيام الغُلب
وكسرة الخبز اللذيذة
اللي نقسمها واحنا عشَرَه
عارفه الطيبين أوى
اللّى ماتهونش عليهم العِشْرَه
كل ده
صورة طبق الأصل منك
ولو إنك يابلدي
مزوِّداها شويه
ومسوِّداها شويه
لكن إن كان عليّا
أخنق نفسي بإيديا
ولا أقول عنك كلمة رديَه
طب عارفه لون السما ف عز الصفا
طب عارفه طعم الجفا ؟
طب عارفه شكل السما ف عز المطر
عارفه .. القلب الحجر
ساعات بيكون فيه شبه منك
لكن أموت ولا أبعد ساعة عنك
وبحبك
ليست هناك تعليقات:
إرسال تعليق