الجمعة، 28 مارس 2014

خاف من شعب

 
رمضان شحاته
 
أنا هقوللك كلمة
وياريت يوصلك صوتي
ماتخافش م اللى رافضينك
وقالولك بعلو الصوت لأ
خاف مِن صُنَّاع الآلهة
اللى مايعرفوش كلمة لأ
اللى شغلتهم يصورولك الباطل حأ
اللى مش عايزينك تسمع غير سكوتي
واللى هديتهم ليك دايما .. موتي
خاف م اللي هيسيبوا حمد ربهم
ويسبحو بحمدك
اللى نفسهم
سيفك يصدي جوّا غمدك
خاف وقت الظلم
تنشأ الأرض شأ
ويخرج منها جند مش جندك
خاف م الشعب لو توعده
وماتوفيش بوعدك
لاأنت أغلي م اللى قبلك
وللا قبل اللى قبلك
ولا اللى جاي بعدك
خاف من شعب
متعرفش تقرا أفكاره
ولاتعرف جنته من ناره
والموضوع بقا بالنسباله
كش ملك .. مات
ومفيش كش وزير
يعني موت مفاجئ ومن سُكات
يعني الأمر خطير
خاف من شعب
فوق راية المُلك رايته
خاف من شعب
لاالجوع ولاالفقر عرفوا يكتبوا نهايته
والموضوع بقا بالنسباله لعبة شطرنج
وموت المَلك ... هوايته

وموت المَلك ... هوايته

انا هقوللك كلمة
وياريت يوصلك صوتي
ماتخافش م اللى رافضينك
وقالولك بعلو الصوت لأ
خاف من صُنَّاع الآلهة
اللى مايعرفوش كلمة لأ
اللى شغلتهم يصورولك الباطل حأ
اللى مش عايزينك تسمع غير سكوتي
واللى هديتهم ليك دايما .. موتي
خاف م اللي يسيبوا حمد ربهم
ويسبحو بحمدك
اللى نفسهم
 سيفك يصدي خوّا غمدك  
خاف وقت الظلم
تنشأ الأرض شا
ويخرج منها جند مش جندك
خاف م الشعب لو توعده
وماتوفيش بوعدك
لاأنت أغلي م اللى قبلك
وللا قبل اللى قبلك
ولا اللى جاي بعدك
خاف من شعب
متعرفش تقرا أفكاره
ولاتعرف جنته من ناره
والموضوع بقا بالنسباله
كش ملك .. مات
ومفيش كش وزير
يعني موت مفاجئ ومن سُكات
يعني الأمر خطير
خاف من شعب
معدش بيلعب استغماية
ولا التعلب فات فات
خاف من شعب فوق راية المُلك رايته
خاف من شعب
لاالجوع ولاالفقر عرفوا يكتبوا نهايته
والموضوع بقا بالنسباله لعبة شطرنج
وموت المَلك ... هوايته
...
رمضان شحاته
29/3/2014

الثلاثاء، 18 مارس 2014

وأما عن التقشف


  1.  
    رمضان شحاته
    8 مارس ·2014
     
    وأما عن التقشف فهو مطلب منطقي وضرورى ومحترم ولازم .. وحسب معلوماتي الضيقة .. قام به كما يجب إثنان من الحكام .. قبل الدعوة إليه .. قديما كان عمر بن عبد العزيز ... قبل أن يطالب الناس بالتقشف قام به هو أولا وفرضه علي الولاه والاسرة الحاكمة اقصد أمراء بني أمية حين نزع منهم مخصصاتهم وممتلكاتهم كأمراء وأعادها لبيت مال المسلمين .. وكلنا يعرف مافعله هذا العادل الرشيد ... وهناك شبه إجماع انه مات مسموما بسبب هذا ... أمّا حديثا فكانت إمرأة غير مسلمة الرئيسة الحالية لدولة مالاوي الافريقية جويس باندا .. قامت بإجراءات تقشف لامثيل لها .. بدأت بخفض راتبها 30% وببيع سيارات الحكومة المرشيدس وانتهت ببيع الطائرة الرائاسية وسافرت بدرجة سياحية كخلق الله الميسورين ... تري هل نرى حاكماً ثالثا يقوم فعلا باجراءات تقشف نراه ونحسه ونرى اثره ؟ .. لايجب ان نعتقد ولو للحظة ان هذا سهلا علي الحاكم حتي لو أراد أن يقوم به .. فهناك دائما من سيرفض بل وسيحاربه ... تري هل لو قام بهذا سيسمح له صانعوا الآلهة بذلك ؟
    ..
    رمضان شحاته
    8/3/2014

كان قاطع طريق وبلطجي كبير

 
رمضان شحاته
 
كان قاطع طريق وبلطجي كبير .. صمم واحد إبن حلال يعرفه طريق المسجد .. الظاهر كان شايفه غير ماشايفاه الناس .. أو كانت مجرد محاولة لله .. محدش يعرف الراجل الطيب ده إتفق علي إيه مع البلطجي علشان يوافق يروح معاه المسجد مرة في اليوم .. .. دخل المسجد وخرج زي مادخل .. وبعدين لفت نظره أمور غريبة .. وراحة عجيبة يحسها .. حس بنظرات ليه من الناس مختلفة .. مع الوقت حس بكل شيء مختلف حتي طعم اللقمة .. نسي الراجل والاتفاق .. صار يحب احساس الراحة المقترن بالمسجد ... .. عرف يقرأ الفاتحة كاملة .. وعرف إن الضهر اربع ركعات .. وإن الوضوء ده مش مجرد ماية ع الجسم وخلاص .. وعرف إن فيه رب ... ياااه .. أكيد شيء رائع بجد انه يعرف إن فيه رب .. .. صاحبنا صار شخص تاني .. لكن كان كل مايشعر بالفرق اللي بين ماضيه وحاضره يزعل ع اللى فات ويندم وده يخلليه يصرخ وهو ماشي في الشارع .. يقول .. ياولاد الكلب ليه مش عرفتوني الطريق ده من زمان ...

وإن تأتينني منكسرَة ...

 
رمضان شحاته
وإن تأتينني منكسرَة ...
أو مخاصمة ..
أو بدموعِ منهمرة
حقٌ لكِ الانحناء

فأنا الفارس ...
أعلم أنّ للملكاتِ قدراً
وألتقم من أجلهنّ جمراً
وأنظم فيهنّ شعراً
ولاأخفضهنّ مِن علياء

يستوى عندى دام ماكان بيننا
أو أن اللهُ .... لايشاء

لاتسخر كما يسخرون

 
رمضان شحاته
11 مارس ·  2014
لاتسخر كما يسخرون لو قالت راقصة .. يارب جنتك ..
....
....
فكم مِن فاجرةٍ باتت والفُجر في مضجعها
وعند آذان الفَجر تابت .. وانهمرت مدامعها
وربَّ آثمةٍ أمست وقرع الكئوس بمسامعها
والشيطان هو جليسها وأصبحت والله معها
فلاتعجبنَّ إن قالت خاطئةٌ أن الجنة مطمعها
ربما علمت أن للهِ رحمةً تسع الكون وتسعها
فهتفت يارب جنتك وإسم جهنم ذكره يرَوِّعها
الذنب يلجمها لكنها هتفت عسى الله يسمعها
..
https://www.facebook.com/photo.php?v=724826097569034&comment_id=6759971&ref=notif&notif_t=like

وكم مِن ظلامٍ ..........

 
 
رمضان شحاته
 
 
 
وكم مِن ظلامٍ يحملُ إسم الأهلَّة
وكم مَن حسبناهُ دواءاً وهو العلَّة
ياغروراً .. ياكِبْراً .. ياصلَفاً يتجلّى
أنتَ لاتبغي حباً بل تبغي المذلَّة

لاتجزعن

 
 
رمضان شحاته
 
 

منوعات


وكلنا ... مكتوبة أسامينا بقلم رصاص
............................

طيب أكتب إيه .. ومهما أفكر ... الدم أكبر
..........
 
حسسُوني ولو مرّة
إني حر
القيد ف الايد م الزمن إتكسّر
وبطَّلوا تسرقوا مِنِّي كل مرّة
العمر
وتقولوا عليّا شيخ المنصر
و قالَّلي أنا أساسا ..

لاأعرف إخوان ولااعرف عسْكَر

اللِّي أعرفه

إني بشرب مُرِّي ..

لِحاااااااااااااد ماسْكَر ....

وسألني ...

هوَّ شُرب المُر .. مُنْكَر .. ؟

عُموماً ...

لو تعرف حد يشغَّلني ...

تُشْكَر
...........................
 بعينيكِ كونٌ ..
و ليلٌ و نهار
وبعينيكِ بحرين بلونِ العسل
وأنا بحَّار
كل همُّه أن يرَى براً ويصل

........................
 وعجباً لليلٍ يتلكأ

وقد ملّ مِن إنتظارهِ النهار

أي زهوٍ أصابه فترنح وراح يتوكأ
علي عصاه لما ثمل بنشوة الانتصار
حقٌ له أن يثمل بخمر الفَخَار
إذ يري شمساً لاجلة بازغةً
لغيبته لاتهدأ ..
ولايقر لها قرار

ماأسعدَهُ مَن يجظى منك بلحظة انتظار

......................
ومنذ غاب قاربك عن شطِّي
ماعاد الحرف حرفي
ولا القلم قلمي
ولا الخط خطي
وأضحت لغتي .. صمتي
وطافت النوارس تبحث عنك
تنبئك بموتي
وما اهتممتِ
 

مين كان يتصور ...

رمضان شحاته
15/3/2014
 
 
مين كان يتصور ...
إن خبر الموت والدم ف بلدي يبقَى كدا عادي ؟
زي أي خبر مِتصوَّر ..
نزول المطر مثلا أو حالة الجو اللِّيلادى
الله يرحمك ياباشا يابو عمر قصيَّر
مين بعدك هيقول بلادي بلادي لك حبي وفؤادي ؟
إحمد ربك إنك مت ف وقتك
قبل ماييجي يوم .. والكون يتغيَّر
وتشوف إسرائيل وهيَّ أحن الأعادي

البلد دي مش هيقدر عليها غير ربنا .. هو سيادتك ربنا ؟ !!!

    •  
       
      رمضان شحاته
      14/3/2014
  1. البلد دي مش هيقدر عليها غير ربنا .. هو سيادتك ربنا ؟ !!! ..............
    .......

    وانت متصور إن الجيش كده هيقع وبعدها مصر تقع ؟ الجيش ده مش قبَلي ولاطائفي .. يعني مستحيل تعرف تؤثر فيه .. سياسة قتل جنوده زي بالضيط كأنك كلفت نفسك وسافرت اسكندريه علشان تنشف بحرها وكل اللى معاك فنجان .. لو فاهم انك هتوقع الجيش او توقع مصر عن طرق الجيش تبقى فاهم غلط جدا ... الجيش حتي لو ظالم أوشايفه ظالم لكن غير قابل للسقوط .. لانه لايخترق أولا .. وثانيا يدين بالولاء للرتبه الأعلي دايما .. كلنا شوفنا موقف الجيش من الثورة .. لم نسمع عن كتيبة أو لواء أو سلاح من أسلحة الجيش يدين بالولاء لجمال مبارك مثلا .. أكيد إنت كنت شايف نفوذ جمال مبارك وسطوته في كل نواحي الحياه .. شوفت عز . وباقي الكبار .. لم نسمع إن لهم نفوذ في الجيش .. إلّا الجيش .. لو كان لهم نفوذ كان ده تم ترجمته ع الارض .. يعني ايه ؟ يعني تشوف طريقة تانية غير قتل الجنود اللى هم كل واحد منهم انه ينهي تجنيده ويطلع يشقى ويشوف فرصة للسفر أو الشغل علشان يتجوز ويشوف حياته لابتاع سياسة ولايهموا الساسة .. طيب أسألك سؤال .. لو العسكرى اللى انت أزهقت روحه لو أخوه ميعاد تجنيده نفس يوم وفاة اخوه .. تفتكر هايرفض يتجند ؟ لا .. بمزاجه وغصب عنه هيتجند .. الجيش ولايهمه ان اخوه مات إمبارح ولاحتي كل أهله .. وبعدين الجيش عنده عقيدة .. الجيش مش بيقف علي حد .. من أول القائد الاعلي والقائد العام حتي العسكرى المسكين اللى انت بتجاهد بقتله .. قتلت 50 الجيش عامل حسابه فيه 5000 بني آدم في 24 ساعه يكونوا عساكر .. هتقتل 5000 في خمسين الف جاهزين .. وللا انت فاكر ان الشعب هيثور ويخلع قادة الجيش .. معقول حد فهمك كده ؟ الجبش معندوش قلب .. والعسكرى ده ... الجيش بالنسبه له هو الاعلي رتبه منه اللى بياخد الاوامر منه ... والحلال والحرام ولاطاعه لمخلوق في معصية الخالق ده بره الجيش ... لاتعتمد علي هذا .. هتفكر في طريقة تانية تفجر مدرسة مثلا ولاتقتل بني آدمين علشان مثلا تعمل بلبلة وتقع الحكومة .. لا .. ماتتعبش نفسك .. أديك شايف تمن البني آدم عند الحكومة .. مفيش وزير هيستقيل علشان كارثة أو موت حد .. مش بعيد الحكومة ترد عليك تقوللك إحنا 90 مليون محتاجين ننقص 40 مليون علشان البلد تقف علي رجليها .. ماتحاولش مصر مابتقعش ... الانجليز والفرنسيين عوجوا لسان كل بلد احتلوها .. احنا لا .. اسلموا هنا وسموا نفسهم محمد وعبد الله .. البلد دي مش هيقدر عليها غير ربنا .. هو سيادتك ربنا ؟ !!!
    رمضان شحاته
    16/3/2014

.ياللي شايف نفسك " عظيم "

 
 
رمضان شحاته
17/3/2014
ياعمنا ..ياللي شايف نفسك " عظيم " ... عملت حساب المد بالياء لمّا يبقَى مد بالألف ؟

كلام غريب بمناسبة عيد الام

 
رمضان شحاته

لاتتعالي علي آية من آيات الله في الأرض فيخسف بك الله الارض
...........
متعود علي اهانة مراتك ؟ هي طيبة ومتربية وعايزة تعيش ؟ شايفها منصب كبير في شغلها فبتعاملها بمهانه علشان تبان كبير ... ؟ تنتظر أول كل شهر علشان تأخد كل مرتبها .. ؟ جبار إنت ومن عيله أكبر من عيلتها ؟ وبتتعامل معاها علي هذا الأساس ؟طيب ماهو فيه اللي أكبر منك ومن أهلك وهيدفَّعك تمن الظلم ده .. تعرفه ؟ إس
مه جبار السماوات والارض .. تحب ترجع عن ظلمك واهانتك الدائمة لبنت الناس اللى ربنا بعتهالك أمانه ؟ ولا تحب يدفعك التمن اللى السبع اراضي هتكون في قبضته زي ورقة مطبّق عليها إيدك ؟ شايف ان أمك لايتحملها الجان ومع ذلك في كل مشكلة تنزل ضرب وصفع وإهانه ف مراتك وشايف إن ده رجوله وبر بأمك .. لا وحياة أمك .. دا ظلم ولا رجولة ولا بر .. ولو انت بر بأمك فعلا لاتهين مراتك وتظلمها علشانها لأن أكيد ربنا هينتقم منك أنت وأمك لو هي راضية بظلمك وتشجعك عليه .. مستني تشوف بنتك بكره في نفس الوضع .. عايشة كل أنواع الإهانه لنفس السبب .. مستبعد ده ؟ مش جايز ربنا سبحانه وتعالي يجازيك من جنس عملك ؟ هتسأل بغباوة وتقول أمال يعني اضرب أمي وأهنها ؟ دا سؤال غبي وخاطئ ومفيش إجابة صحيحة لسؤال غلط
مراتك برضو ماهي أم .. ولها أب بيتجن لما يعرف ان حضرتك ضربت بنته وأهنتها علشان خاطر أمك .. وليه شايف إن البر بأمك لايكتمل الا بإهانتك لزوجتك من أجلها ؟ طيب إيه العمل وحضرتك عشت جبار مستبد وظلمتها طول عشرتك معاها .. ؟ بسيطة .. تراجع عن غيك .. كرمها ومش عيب تخليها تسامحك ومش تخليها تسامحك وانت زي ماانت .. خليها تسامحك بحسن معاملتك .. لما تتصرف بعدل .. لما تحسسها إنك أهلها وعزوتها وعزها .. لما تعكس معاملتك لها .. أما إرضاء أمك دي مشكلتك إنت والبر بيها هيكون بر ازاي وهو قائم علي اهدار كرامة سيدة ممكن برضو تكون أم وسوء معاملتها ؟ العمر بينتهي ف لحظة يامعلم .. وصدقني أمك مش هتعرفك وانت مقابل رب كريم وانت ظالم حتي لو عشانها .. فإذا نفخ في الصور فلا أنساب بينهم يومئذ ولا يتساءلون .. صدق الله العظيم
أما إذا كنت تعاملها بغرور وكأنك تتفضل عليها لأنك باقي عليها لأنها ياحرام لاتنجب ومتحملة منك كل أنواع قلة الأدب والظلم والاهانه .. أحب أقوللك إنك ناقص وغبي .. وإنك بتهين آية من آيات الله في الأرض .. جعلها الله آية دالة علي قدرته ليحقق قوله تعالي ويجعل من يشاء عقيما .. وأكيد سبحانه هيعوضها يوم القيامه بما حرمت منه وأي ست هتشوف تعوبض ربنا ليها هتتمني لو كانت مكانها .. وما كانت أنجبت لتفوز بما فازت به .. ربك لايظلم أحدا .. لاتتعالي علي آية من آيات الله في الأرض فيخسف بك الله الارض
أما الإنسانة الي هي مش إنسانة وبتعامل حماتها بمهانه دا موضوع هنتكلم فيه بالتفصيل

رمضان شحاته
18/3/2014

الاثنين، 10 مارس 2014

ويحضُنِّي في الغياب حضورك

 
رمضان شحاته
 
و ف كل مرّة ينطفي نورك أشوف ضيِّك
ويحضُنِّي في الغياب حضورك
طبعاً ماأنا منّك
يابلدي حتي فِ العتمة حلوة
ولا في فِ الجمال ز يك
 

وحتي لو بقيتي تراب وحشتيني

رمضان شحاته

وحشتيني .. وحتي لو بقيتي تراب وحشتيني .. وسامحيني .. مِن دخول الشِتا ماجيتك .. وعارفك بتنظريني .. كِبرت ومبقتش زي زمان اعذريني ..
عارف إنك خلاص مفيش .. وعارف إن أجمل مافيكي كمان مفيش .. شعرك اللي كان زي الليل اللى صارت حياتي من بعدك بلونه ... خلاص مفيش حتي بسمة شفايفك اللي كانت ماتنتهيش ... هي كمان مفيش .. عارف .. بعد عشرين سنه واكتر .. صار تراب طعم السكر .. لكن بحبك وانت تراب والكون من بعدك سراب .. مين قال إنك خلاص مفيش .. ومين قال إن اللى عايش موتك ومن تحت التراب بيحضنه سكوتك قادر يعيش ؟ أنا كمان مفيش ..
الجمعه الجاية مهما كان الشتا هجيلك .. ... فاكرة وانت ف الكفن وانا بشيلك .. ؟ قلتلك .. كتير هجيلك ..
بكره هتلاقي راجل حزين شعره أبيض .. رسم الزمن علي وشه فراقك بلون مش أبيض .. هوّا أنا .. ماتخافيش بس كبرت شويه .. هتلاقي متين سنه .. علي وشي مرسومين .. ماتقلقيش .. هاجي زي عادتي .. أتحسس بايدي علي حروف إسمك المحفور علي رخامة باردة... وكلام مكسور .. بيقول .. دبلت الوردة ....
آه ياحلم جميل إندفن .. لسه شفايفي فيها برد الكفن .. دنيا ماتساويش ..
بس تعرفي .. هاجيلك وأنا مصمم محطش إيدي علي إسمك وأبكي .. الكل بيكون شايفني و بصعب علِيه وأكيد بيحكي .. ع اللى كان بيجيلك وهو صغير والحزن مالي عنيه .. شعره شاب ولسه بيجيلك ياعيني عليه .. سمعتهم مرة .. بس ألف مرة شوفت الكلام ف عيونهم .. . ونظراتهم المُرّة .. حاجة ماتتنسيش .. بس كل مرة أقرر اني اشوفك من بعيد ألاقي الإيد ... غصب عني بتمشي علي حروف إسمك من جديد .. حرف حرف .. وتاريخ الوفاه .. اللى مكتوبين بطعم الآه .. أكييد حاسة وشايفه .. وعارفه إني كبرت م السنين ألف .. يعني لو أتأخر شويه وماجيش ماتزعليش

احنا الجزمجية ...

رمضان شحاته

دا احنا الجزمجية ...
خيبتنا قوية ...
طول النهار ...
بنعافر
وحالنا يصعب ع الكافر ..
دايرين ..
من رجل ده لرجل ده ...
كل يوم ع الحال ده
والظاهر ..
علشان نعيش ..
لازم نعتصم ونتظاهر ..

ايه اللى خللاني ..
اسيب بلدي واسافر ...
واقعد القعدة ديّه
عيني ع الرايح والجاي
وشوف ازاي
ولاحد سائل فيا ...
واللى زاد البلية ...
العيال المتعلمة ..
والله بيصعبوا عليا
طب ماشي .. انا ...
لكن اللى اتعلم كااااام سنة ...
ليالي طويلة ...يذاكر ...
ويحلم ..
وينام ويفوق
واخرتها يشيل صندوق
والله اعلم ..
بيخزىَ .. وللا مايخزاشي
ينفع يابلد ...
كان ماأروعها ..
لما الولد ..
يخلص علام
و مايلقاشي ...
حتي جزمة يمسحها ... ؟!!!!
بقى دا اسمه كلام ؟!!!
هى دى آخرة العلام .. ؟!!!
يابلد ...
ماتكرمش غير اللى جرحها ...؟

وآه م النفس ...
لما تحس ...
ان مفيش غير اليأس ...
يجمعها .. ويطرحها
لا ..
والحكومة .. بنت اللذينا ..
مش مكفيها اللى عاملاه فينا
صابحة ترازينا
باعت المصانع
وقفلت المزارع
واسفلت ف كل شارع ..
ومنين هاييجي التراب للجزمة ؟!!!!
يعني معدش لينا لازمة

ايه ...
مستغرب ليه ... ؟!!
باقوللك ايه ..
انا راجع ..
لنجعي .. راجع ..
طول عمرى عايش هناك ..
حارث وزارع
...
حتي لو البلد دى .. هتشتريني ...
انا اللى بايع ...
 

طبيب شوارع ..

رمضان شحاته

رمضان شحاته
.............
دا طبيب شوارع ..
.....
بالعربي .. مع انه مش عربي
دا طبيب الغلابة
المجروحين .. من نهش الديابة
اللى عايشين العمر خريف

عيادته .. الشارع
قلبه سماّعه .. الرحمة فيه مناعة .. وشجاعه ..
بيعالح المشردين.. اللى ساكنين أرصفة الشوارع
قلب يصحيح نضيف

دا مش عربي .. ومعملهاش عربي ..
حُط نقطة فوق العين .. والله تستحي منه العين
شوف تاني ركبته ازاي .. بيسمعه بقلب فاكرُه .. مش نسَّاي
قضَّى عمره رايح جاي
بيعالج مشردين .. نايمين و بالحيا مدفونين
فوق الرصيف

ماشوفنهاش من راجل شريف
علامة الصلا ف وشه .. أد الرغيف
ماشوفنهاش من شريف..
الصليب فـِ ايده ومعلَّقه ف عيادته .. وعشان يشوفك سعادته .. وللا سعادته
تعمل جمعية .. وللا يمكن تستلف الولية .. عشان تقطع تذكرته
ونخرج من عنده .. نقول يالطيف
ويسمعك باصص ف ساعته .. بلا قلب أو إحساس .. وهمّا كلمتين وخلاص
وتحس انه شيء سخيف

لكن ده طبيب بحق .. قلبه بنشق شق
من وجع الغلبانين .. اللى عايشين واقع مخيف

علي راسي انت يامليح ... لو شافك نبينا وللا المسيح
لدعالك من قلبه .. وكان قال فيك كلام صريح
إنت طبيب شوارع .. علشان إنت انسان رائع
بصحيح
1

رابع المستحيلات ..


رابع المستحيلات ..

ليه مابنقولش خامس المستحيلات أو سادس أو سابع المستحيلات

..

..

بالود يتحاوران لم يزلا ..


- ألا تتزوجينني

- لا.. هذا من رابع المستحيلات ... ثم ضحكت

- أوَ تعلمين لمَ نقول من رابع المستحيلات ولا نقول من خامس المستحيلات أو سادس المستحيلات او عاشر المستحيلات .. لمَ رابع بالذات .. ؟

إندهشت .. كيف لم يخطر ببالها هذا السؤال .. كل خلق الله يقولون من رابع المستحيلات .. ماسمعت أحدا قال غير هذا .. قالت ضاحكه ..

- حقاً .. لماذا رابع بالذات .. ؟ قل لي

- لا .. قولي أحبك أولا ..

- لن أقول ..

- لكنها معلومة قيمة ستجعلك ضليعة في اللغة العربية ..

- إذن قلها بلا ثمن

- أولا قولي أحبك ..

- إذن سأسأل بابا أو أحد إخوتي ...

- أتحداكي لو عرف احدهم


غابت .. راحت اللئيمة تبحث عنها .. هي بالكاد تعرف العربية .. بل أنها تعلمت قريبا العربية لأجله

عادت كأنها علمت ..

- عرفت .. المستحيلات الثلاثة .. الغول والعنقاء والخل الوفي ..

- ومايعني هذا .. كيف اتفق العرب علي تسمية هذه المستحيلات الثلاث ؟ .. من أين جاءت هذه التسميات ..؟ هذه ليست إجابه.. ثم أردف ضاحكاً

- هايكون شكلك وحش أوى لما يسألك إبنك ومتعرفيش

- قل أنت أولا وأعدك ساقول ثم من يضمن لي أنك ستقول المعلومة لو قلت لك .. ؟

- كلمتي .. والحلف بحياتك .. لو كنت محتاجة المعلومة لقلتِ أحبك وأنهيتِ الأمر

- أحتاجها والله ...

- علي أي حال إحتياجي لكلمة أحبك أكبر من إحتاجك للمعلومة .. لذا ساقول أنا أولا

- حسناً .. قل

- ظل العرب يعرفون في أدبهم القصصي إتنين فقط من المستحيلات

الغول والعنقاء فقط ... أولا لازم نعرف مالمقصود هنا بكلمة مستحيل .. يعني كائن معروف بالاسم ومشهور .. لكن لاوجود له علي ارض الواقع .. ظل العرب يرددون في قصصهم إتنين مستحيل الغول والعنقاء .. إلي أن جاء شاعر عربي للأسف مجهول الإسم .. غدَر به صديقه .. أو كل اصدقائه .. فقال بيت شعر أشهر بيت شعر عربي لأنه جاء منه التعبير الشهير في كل الدنيا .. من رابع المستحيلات .. قال

إختبرت بني الزمان فما بهم خل وفي للنوائب أصطفي

فعلمت أن المستحيل ثلاثة .. الغول والعنقاء والخل الوفي

..

سألها هل واضح ما أقول قالت نعم ... فإستطرد في الشرح

- من هنا علمت العرب أن المسحيلات ثلاث .. فكان كلما أراد أحدهم أن يصف أمرا مستحيلا .. قال .. دا من رابع المستحيلات أن أفعل كذا أو أن يحدث كذا ...

وكأنه يحثها علي الوفاء بوعدها سألها ..

_ ها أنا قلت .. فما تقولين ؟

قالت .. أقول جزاك الله خيرا

هههههههههههههههههههههههههههههههههههههههههه
رمضان شحاته

التقشف

وأما عن التقشف فهو مطلب منطقي وضرورى ومحترم ولازم .. وحسب معلوماتي الضيقة .. قام به كما يجب إثنان من الحكام .. قبل الدعوة إليه .. قديما كان عمر بن عبد العزيز ... قبل أن يطالب الناس بالتقشف قام به هو أولا وفرضه علي الولاه والاسرة الحاكمة اقصد أمراء بني أمية حين نزع منهم مخصصاتهم وممتلكاتهم كأمراء وأعادها لبيت مال المسلمين .. وكلنا يعرف مافعله هذا العادل الرشيد ... وهناك شبه إجماع انه مات مسموما بسبب هذا ... أمّا حديثا فكانت إمرأة غير مسلمة الرئيسة الحالية لدولة مالاوي الافريقية جويس باندا .. قامت بإجراءات تقشف لامثيل لها .. بدأت بخفض راتبها 30% وببيع سيارات الحكومة المرشيدس وانتهت ببيع الطائرة الرائاسية وسافرت بدرجة سياحية كخلق الله الميسورين ... تري هل نرى حاكماً ثالثا يقوم فعلا باجراءات تقشف نراه ونحسه ونرى اثره ؟ .. لايجب ان نعتقد ولو للحظة ان هذا سهلا علي الحاكم حتي لو أراد أن يقوم به .. فهناك دائما من سيرفض بل وسيحاربه ... تري هل لو قام بهذا سيسمح له صانعوا الآلهة بذلك ؟
..
رمضان شحاته
8/3/2014
أعجبني · ·

كم من يدٍ بالمجد تمضي

 
رمضان شحاته
9/3/2014
كم من يدٍ بالمجد تمضي
تهب الخيرَ وتسدى
يصحبها النور أينما تكون
لاتعرف غير البذلِ
لاتتعبد لمالٍ بل المال يهون
خطوط راحتيها رسمت من الأملِ
وكم من يدٍ تبني
ماهدمته يد الغدر
وكم من يدٍ تحيي
من ذبحته يد القتلٍ
هى أيادٍ تهب الخير ولاتبدى
وتفك أسر الأسير وتفدى
فلتكن يد الجود يداك
ولاتقطع يديكَ بالمنعِ
فكم من طالب يطلب نداك
وعيونه تبكي بلا دمعِ
فمد يدك اذ أتاك
ترتعش يداه من الذلِ
كفاه ذل سؤاله..
فلا تزده بقسوة البخلِ

ولا القلم قلمي

 
رمضان شحاته
ومنذ غاب قاربك عن شطِّي
ماعاد الحرف حرفي
ولا القلم قلمي
ولا الخط خطي
وأضحت لغتي .. صمتي
وطافت النوارس تبحث عنك
تنبئك بموتي
وما اهتممتِ

الاثنين، 3 مارس 2014

كم احبك يارب

  1. غيّر ‏رمضان شحاته‏ 

بائع الكفَن

بائع الكفَن
من مذكرات بائع روبابيكيا

....
بالمناسبة ..
مرة واحدة بس بكيت ..
وكرهت الدنيا ...
والموت اتمنيت ..
لما ناداني راجل عجوز ..
قاللي تشترى ده يابني ...
أصل أنا قتلني العوُوز ...
إتقهرت ...
واتمنيت لو مكاني أندفِن ..
لما لقيته عايز يبيع الكفَن ...
خلِّلي كفنك يابا ..
يااااه ع الغلابا ..
فكرتني بأبويا حبيبي ..
عليّا الطلاق ..
مايلزمني مليم م اللى ف جيبي ..
انا طول النهار سارح ..
وربنا مراضيني ..
ماتقولش لأ ..
عِين كفنَك ..
ويوم دفنك ..
عليّا حق
لو أنا عايش .. أنا ملزوم بيه وديني