وانا بقالي تلاتين سنة كده

 ‏‏رمضان شحاته‏‏

8/2013

كان يا ما كان
كان ليك زمان ...
وكانو هنا .. بالطابور يحجزوك...
حالا ..
ومن كام سنة
بطلوا يشتروك ...
طب اعمل ايه أنا .. ؟
اروح اتعلم ايه فى السن ده
وانا بقالي تلاتين سنة كده
وماليش .. صنعه غيرك ..؟
عموما كتر خيرك
ياما عشت من خيرك
واهو ولاد الحلال لسه كتير
بيشتروك ..
حتي لو يرموك
ومع اني بشتغل بضمير
لكن عارف
بيشتروك عشاني
علشان مقفلش دكاني
أصل أنا صريح
عموما ..
هما ولاد حلال بجد
بدعيلهم ..
ربنا مايحوجهم لحد
ناس طيبة بصحيح ..

1أعجبني · · إيقاف الإشعارات · الترويج · مشاركة