- يارب أنا عبدك
سجودى لك وحدك
وعلى قد ...ماأقدر
بحافظ على عهدك
يارب أنا عبدك
زى ماجعلت سجودى لك وحدك
وركوعى لك وحدك
إجعل حبى لك وحدك
إنزع من فلبى حبى
لو لغيرك
لاتجعلنى أميل لغيرك
اتمم عليا خيرك
وطهر قلبى م الهوا
ملليت خلاص م الجوا
وعرفت
إن ماخلا حبك
باطل
قلبى اللى مال لغيرك
باطل
واللى يحب غيرك
باطل
ياربى ..
قلبى مش بايدى
مِنّْ عليا ياسيدى
ياللى كل القلوب بايديه
طهرنى
م اللى انا فيه
واللى انت اعلم بيه
بحق كل ساجد
وكل عابد
خللينى عبدك وحدك
لا عبد جاه ولا أمه
خلصنى
م الاماء المغرمة
وذكرياتى المؤلمة
إجعلنى
أسيرك وحدك
ولا أحب أبدا بعدك
..
يارب
انا عبدك
الجمعة، 24 يناير 2014
يارب أنا عبدك
الاشتراك في:
تعليقات الرسالة (Atom)
ليست هناك تعليقات:
إرسال تعليق