إحنا مطالبنا بسيطة ..
وطموحنا بسيط ..
وكل احلامنا عبيطة ...
العامل يلاقي مصنع ..
والفلاحي يلاقي غيط ..
مابنحلمش بتَرَف ..
بس عايزين نعيشها بشرف ..
كل حلمنا شوية كرامة ...
كل حلمنا ننسي الآه ..
ونعيش زي خلق الله ..
على وشنا إبتسامة ..
أو حتي نص ابتسامة
وعلي فِكرَه ...
في ناس كُل حلمها ماتخافش
مِن بُكرَه .. كل حلمها .. وطن ..
تليق عليه كلمة سَكَن .. ومتكونش
فيه غريبة ونِكِرَه
رمضان شحاته
ليست هناك تعليقات:
إرسال تعليق