فى الميدان الثوره لسه
قالتلي أستودعك الله
وخاللي بالك من نفسك
شافت ف عنية نظرة دهشة
وف ايديا شيئ م الرعشة
لكن ودعتني
وقالت تاني خاللي بالك من نفسك
وبلاش تمنعني
عاجبك يعني
يأسي ويأسك
فى الميدان الثوره لسه
واخواتي هناك وأنا حاسة
ان ناقصهم واحد
هو أنا
مينفعش يبقوا هناك وأنا أفضل هنا
قالتلي الله
الميدان مليان بشر
ومليان مطر
عارفه ان فيه شيئ م الخطر
متخفشي
اللى نال الشهادة
نالها خلاص
ربنا قادر مايحرمناش
راجعالك متقلقشي
ولو شهيدة متزعلشي
رب السما يجمعنا هناك
فى جنة منعرفهاش
ولو سبقتك متغبشي
مستنياك
<<< رمضان >>>
ليست هناك تعليقات:
إرسال تعليق