قالتــــــلي
قالتلي
ليه دايما أول علاجك .. كَىْ؟
ليه ف خصامك ليل اسود مالوش ضَىْ
ليه ف خصامك بتكون عذاب لايُحتمل
وأنا اللى حسيت ان فرحى بيك اكتمل
ليه بتقتل جوايا حتى الصبر؟
اسمحلى دا شئ م الغدر
ادينى فرصة
طب نص فرصة
انا برضه لسه
شايفالى معاك أمل جى
عاتبنى ..وفهمنى
وراضية لو تظلمنى
بس اوعى تخذلني..و تسلمنى
لحزن غادر
أو نسيان قاتل
يطوينى طى
عارفاك قادر
وسهل تقتلنى
وعادى تبيعنى
وعادى تخسرنى
بس أنا من غيرك أضيع
معرفش زيك أبيع
مقدرش ابيع
قلبى ف حبه فظيع
ومالوش زى
ليه عاوز اول علاجك كى
............
أنا الاميرة
بترجاك
خاليينى معاك
وزى ماتحب اكون
هكون
وحياة من خلق الكون
زى ماتحب اكون
هكون
بس من فضلك لو ممكن يعنى
لو سمحت ياريت تسمعنى
بس رجعنى لك تانى أميرة
واعتبرها فرصة أخيرة
ياللى مالك زى
حرام عليك ... يكون اول علاجك كى
رمضان شحاته
ليست هناك تعليقات:
إرسال تعليق