شفتي الحيـــــا رَى

 

طب شفتى السكارَى
اللى من خمر العشق
مُنهارَى
شفتى عقولهم ..
لما تغيب
... شفتى المجروح بجرح
ومش لاقى طبيب
أهو انت الخمر..
وإنتِ الطبيب
وأنا الجرح..
اللى مش عايز يطيب

طب شفتى الحيرة..
ف عيون الحيارَي
شفتى أد إيه الأمل ..
باين مايدَّارَي
لما يلمحوه من بعيد
... شفتى فرحتهم بيوم العيد
أهو انت الأمل
وإنتِ العيد
وأنا ياحبيبتي..
أبو الحيارَي

شفتى النجمة البعيدة
فى أقصى البعد ؟
شفتى اللى بيهتدى بنورها..
هنا ع الارض ؟
أهو أنت النجمة ..
... اللى ف سماكى
وأنا اللى ع الارض..
بستناكى
ياللى لولاكى..
ماعرفت طعم الشهد

شفتى الطوفان
اللى ميقدرش عليه سد
ولا يقدر يغلبه حد ؟
طب شفتى السد...
وهو بينهار ؟
... اهو انت الطوفان
وأنا السد
وقت الانهيار

رمضان شحاته