قالت له
لو صحيح كرهتن
و زى مابعتك بعتنى
ومعدتش ف بالك
ليه باقى عليا
... فى اشعارك
وشعرك
اللى كتبته فيا
ليه محرقتوش
كأنك مكتبتوش
ليه حاسه
بنارك
ودمارك
ليه حاسه
بحرمانك
أنا لو مكانك
وخاصمت ف يوم
الدنيا عشانك
وخذلتنى
كنت لعنت ايامك
وحرقت كل كلمة
كتبتها فيك
ولاهمنى
ولا كنت بكيت
ولاكنت ابقى
يوم عليك
قوللى بأه
بعد كووووووووول
اللى عملته فيك
لسه بتحبنى ؟
.....
قال لها
كل كلامك غلط
وأنا اتعودت خلاص
على هذا النمط
وعرفت ياما ناس
فيهم
مرهف الاحساس
وفيهم
عديم الاحساس
وفيهم
اللى عليه الامر
اختلط
تصورى
لوحرقت
اشعار اللى غدر بيا
مش هايفضل
ف دفترى
بيت شعر واحد
ليا
بس للامانه
وبحق ربنا
مش كل اللى عرفتهم
كده
من عشرين سنه
شفت قلوب
مستعده
تموت.... وماتت
لفراق حبيب
لانفع معاها
دوا .. ولا طبيب
فاكرها لسه
كأنها النهارده
....
واللى غدر زيك
كتير
بعدد الطير
اقوللك ايه
وللا ايه
وللا أبكى على مين
وللا مين
غالى عليهم دمع العين
وللا ابكى أصلا
ليه
الا قوليلي
.
.
انت اسمك ايه ؟
ليست هناك تعليقات:
إرسال تعليق