نفسي أكتبلك أغنية
نفسي اكتبلك يامصر أغنية
نفسي والله اتمني امنية
بس غصب عني
مش عارف
ازاى اغني
وانا شايف
نور الشمس بيتخسف
وزهور بالغدر بتتقطف
وبسمه ع الشفايف بتموت وتتخطِف
ازاى وانا كل اما اكتب قلمى م الحزن يتقصف
ازاى والقلم بيبكي بين ايديه
والحبر الاسود دموعه
أكتب بس ازاى أغنية
وأنا دموعي ف عنيه
علي وطن بتنطفى شموعه
علي وطن قلبه بينزف بين ضلوعه
وبكا الامهات مالي وديانه وربوعه
ااه يافجر غايب
منتظرين طلوعه
تخلصنا من غدر عايب
مادد فروعه
إمتى هاتيجي بقه
نفوسنا لنورك هايمة ومتشوقه
يانور الشمس ياللي منتظرين سطوعه
العتمة دى زادت أوى
وقلوبنا كل يوم تنكوى
ع المولود اللى ماعاشي ليوم سبوعه
رمضان شحاته
2/2012
ليست هناك تعليقات:
إرسال تعليق