ولاد الرفـــــضي

قاللى...

سيبنى اكمل كلامى

كل واحد فيهم حرامى

ومش اى حرامى..

ده حرامى فرز سوبر

...طيب .. عندك مشترى

لكوبرى اكتوبر ؟!

قاللى ...

ولاد الرفضى

سرقوا البسمة من وشى

سرقوا الزرعة من ارضى

ومكفاهمشى

ولاد الرفضى...... باعوا عرضى

بس معلشى

دى عندى

قاللى...

واديك شايف

معدتش خايف

وقمت بثورة

ومش اى ثورة

دى برضة ثورة

فرز سوبر ...تساوى ف نظرى

عبور اكتوبر

ثورتى...... جمرة

فى عين كل غاشم

سرقنى وذلنى

ثورتى تمرة

يفطر عليها الصايم

اللى حبنى

قاللى

بشرفى لأرجع ارضى

شبر شبر

رملايه ...رملايه

قاللى

رايح اصلى الفجر

جاى معايه ؟

قلمي .. رمضان شحاته