الأحد، 5 فبراير 2012

نقف وقفة رجالة

هو لسه مآنش الأوان
علشان
نقف وقفة رجالة
....
وقفناها مرة
عملنا ثورة
ورجعنا بعدها
لعوايدنا البَطالة
نخَوِن بعض
ونرمى بعض بالعمالة
والندالة
عملنا كده ليه ؟
وإ يه مصر هاتجنيه 
بعد مانلعن بعض
ونوصف بعض
بكل اوصاف الندالة
ماتيجوا نقف وقفة رجاله
......
تعالوا نفتكر ابو سويلم
وفيلم الأرض
تعالوا نقرب شويه لبعض
جايز لمايروح البعد
يروح الجفا
ويعود الصفا
و نعرف سوا
نقف وقفة رجالة
دا مصر محتاجة أوى
تحت جناحها ننطووى
ونقف عشانها وقفة رجالة

رمضان شحاته

2011

مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)