طب تعرف يعني ايه عزيمة
طب تعرف
يعنى ايه عزيمة ؟
.....
هى العزيمة
إنك تبنى نفسك
طوبة طوبة ؟.
ومن وسط أنقاض يأسك
تقف تانى
وتحيى نفسك من الموت باعجوبة ؟
....
وللا العزيمة
انك تنتصر ..تنتصر
بلا هزيمة ؟
.....
وللا العزيمة
انك تبنى تاني اللى اتهد
وتاخد حياتك جد
وقدام الطوفان سد
وقدام الباطل
راجل
تقول...لأ
الا..الحق
ثابت لايهزك حد ؟
.....
وللا العزيمة
انك تمد ايدك
جوه نفسك
تجيب يأسك
وتحرقه حرق
وف وسط حزنك
وغمك
وهمك
تخلق الفرح في قلبك خلق ؟
....
وللا العزيمة
انك تتوب من أفعالك الاثيمة
وتنتصر على.. اهوائك
وتحرق بتوبتك شيطانك
اللى كان كل همه اغوائك ؟
.....
وللا العزيمة
انك تفكر فى اشياء عظيمة
.فى عظمة مصر
ازاى تبنيها وتعليها
ولو غبت عنها تعود اليها
وتشغل مصانعها
وتنضف شوارعها
ازاى ترجعها
سيدة لكل عصر
.....
اقوللك رايى
العزيمة
انك تحقق الف نصر
من قلب الهزيمة
رمضان شحاته
2011
ليست هناك تعليقات:
إرسال تعليق