الجمعة، 3 فبراير 2012

نسور بجناح مكسور



مال الحدادى والغربان ماليه السما
وعلى ألف لون متلونة
مالهم كتير كده ؟
ومال البوم معشش على أرضنا
كل مانهشُه
ونهد عشُه
يرجع مغير وشُه ..بألوان متجدده
ومال النسور
بجناح مكسور
واقفة .. وخايفة .. ومترددة
ومال الدموع ف عنينا
والاسي بابين علينا
ووشوشنا عاتمة وغايمة ومتنكده
مال الحزن مال القلوب كده
 
قلم/ رمضان شحاته 
2011
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)